Bohat haseen sahi teri aqidaton ke ghulaab

Bohat haseen sahi teri aqidaton ke ghulaab
Hussain tar hai magar har gul-e khayaal tra
Hum aik dard ke rishte mein munsalik dono
Tujhay aziz mra fun, mujhe jamal tra

Magar tujhay nahi maloom qurbaton ke alum
Tere nigah mujhe fasloon se chahti hai
Tujhay khabar nahi shayad ke khalwaton mein meri
Lahoo aglti hui zindagi krahti hai

Tujhay khabar nahi shayad ke hum wahan hain jahan
Yeh fun nahi aziat hai zindagi bhar ki
Yahan gloye junoo par kamand padtee hai
Yahan qalam ki zuba par hai noke khanjar ki

Hum is qabeela wehshi ke daiwata hain ke jo
Pujarion ki aqeedat pay phool jatay hain
Aur aik raat ke mabood subah hoty hi
Wafa parast saleebon pey jhool jatay hain

Leave a Reply