Hum ne sab shair mein sanware thay

Hum ne sab shair mein sanware thay
Hum se jitne sukhan tumahray thay

Rang o khushbu ke husn o khoobi ke
Tum se thay jitne istaaray thay

Tairay qoul o qarar se pehlay
Apne kuch aur bhi saharay thay

Jab woh laal o gohr hisaab kiye
Jo tre gham ne dil pay waaray thay

Mere daman mein aa giray saaray
Jitne tasht fallak mein tarre thay

Umar e javed ki dua karte
Faiz itnay woh kab hamaray thay