Khawabon Ka Gulistan Hai Tu by Rekhta Pataulvi

Khawabon Ka Gulistan Hai Tu, Armanon Ka Chaman
Jannat Se Kam Nahin Hai Tu Mere Liye Watan

Parbat Himalaya Azm ka Parcham kahein Jise
Gang-O-Jaman Hain Pyaar Ka Sangam Kahein Jise

Jharnon Se Phoote Hai Naee Ummeed Ki Kiran
Jannat Se Kam Nahin Hai Tu Mere Liye Watan

Gautam Raheem Naanak Aur Chishti-O-Kabeer
Paighaam Laaye Pyaar Muhabbat Ka Sab Faqeer

Insaaniat Se Mahka hai Yoon Hind Ka Chaman
Jannat Se Kam Nahin Hai Tu Mere Liye Watan

Baرhne Naa Paaye Hindu-Musalman Mein Faasle
Sab Aik Hain Jawaan Hain Abhi Apne Hasle

Hum Aik Hain Hum Aik Hain Goonje Wahi Sada
Apne Watan Pe Kar Denge Hum Jaan-O-Tan Fida

Apne Saron Se Baandhke Nikle Hain Hum Kafan
Jannat Se Kam Nahin Hai Tu Mere Liye Watan

Rekhta Pataulvi