Khizaan khareed ke laaye hain us ka sood bahar

Khizaan khareed ke laaye hain us ka sood bahar
Magar labon pay rakhi uss ke bawajood bahar

Nazar mein saya tha woh bhi hoa hai ab madoom
Kahin samood hai yaar o kahin pay hood bahar

Farakh dil thay jo kchche gharon mein rehtay thay
Chaman mein bachpana khushbu tha khail kood bahar

Jawani hum ne guzari hai dard fasal ke beech
Nazar mein goya rahi ban ke koi dod bahar

Agarchay chehray pay assaar zalzalon ke thay
Gayi qareeb se chup chaap jaisay kood bahar

Kkhuda ke khaas karam ki talabb hai uss ke liye
Zawaal zad mein nah aa jaye aisa zood bahar

Woh ik shakhs jo hum se bahhar mein bitchrha
Rasheed tab se abhi tak rahi jamood bahar