Shor Yun Hi Nah Parindon Ney Machaya Hoga

Shor Yun Hi Nah Parindon Ney Machaya Hoga
Koi Jungle Ki Taraf Shehar Se Aaya Hoga

Pairr Ke Kaatnay Walon Ko Yeh Maloom To Tha
Jism Jal Jayen Ge Jab Sir Pay Nah Saya Hoga

Bani E Jashnn Bahaaraan Ne Yeh Socha Bhi Nahi
Kis Ney Kaanton Ko Laho Apna Pilaya Hoga

Bijli Ke Taar Pay Betha Sun-hwa Hanstaa Panchhi
Sochta Hai Ke Woh Jungle To Paraya Hoga

Apne Jungle Se Jo Ghabra Ke Uray They Pyase
Har Saraab Un Ko Samandar Nazar Aaya Hoga